काठमाडौँस्थित त्रिभुवन अन्तर्राष्ट्रिय विमानस्थल बन्द भएको छ । नेपाल नागरिक उड्डययन प्राधिकरण (क्यान)का अनुसार आन्तरिक र अन्तर्राष्ट्रिय उडान बन्द गरिएको छ ।
रातको १ः०० बजेसम्मका लागि विमानस्थल बन्द गरिएको क्यानका प्रवक्ता ज्ञानेन्द्र भुलले बिजनेश पानालाई जानकारी दिए । उनका अनुसार भोलीको परिस्थिति अनुसार आवश्यक निर्णय लिइनेछ ।
‘अहिले राती १ः०० बजे सम्मका लागि आन्तरिक र अन्तर्राष्ट्रिय दूबै उडान बन्द गरिएको छ’ भुलले भने, ‘अब परिस्थिति अनुसार भोलीको निर्णय हुन्छ ।’
