विश्वप्रसिद्ध चिनिँया ईभी ब्रान्ड Geely EX 5 र JY Air का गाडीहरु नेपालमा सार्वजनिक भएका छन् । मंगलबारदेखि सुरु भएको नाडा अटो शो २०२५ का अवसरमा यी गाडीहरु औपचारिक रूपमा सार्वजनिक गरिएका हुन् ।
सार्वजनिक भएसँगैं Geely EX 5 Max र Pro साथै JY Air Ultra र Lite ईभी नेपाली उपभोक्ताहरूका लागि टेष्ट ड्राइभ र खरिद दुवैका लागि उपलब्ध भएका छन् ।
DreamSmart China को अधिकृत आयातकर्ता LRR Motors ले नेपालमा Geely EX5 भित्र्याएको हो भने LRR Motors JY Auto Group को नेपालको लागि पनि आधिकारिक आयातकर्ता रहेको छ ।
यस वर्षको NADA Auto Show मा कम्पनीले अटोप्रेमी र खरिदकर्ताहरूका लागि विशेष छुट योजना घोषणा गरेको छ । अब ग्राहकहरूले आकर्षक Geely EX5 Max ६४.९९ लाखमै लैजान सक्नेछन् । जुन वास्तविक मूल्य भन्दा ३ लाख कम हो ।
त्यस्तै, स्टाइलिश Geely EX5 Pro ५४.९९ लाखमा उपलब्ध छ, जबकी यसको वास्तविक मूल्य ५८ लाख कायम भएको थियो ।
त्यसैगरी, JY Air का प्रिमियम मोडलहरूमा पनि आकर्षक छुट योजना ल्याइएको छ । सुरुमा ६८ लाखको मूल्य रहेको JY Air Ultra अहिले ६४.९९ लाखमा उपलब्ध छ भने सुरुमा ५४ लाख मूल्य भएको JY Air Lite केवल ४९.९९ लाखमै खरिद गर्न सकिनेछ ।
यसैगरी, LRR Motors ले Geely EX5 र JY Air दुवै मोडल खरिद गर्ने ग्राहकहरूका लागि विशेष बुकिङ योजना पनि घोषणा गरेको छ । २ लाखको ननरिफण्डेबल बुकिङ गर्ने खरिदकर्ताले छुटसहितको मूल्य सुनिश्चित गर्नुका साथै iPhone १६ Pro Max, वा एक तोला सुन, वा १,८०,००० सम्मको नगद छुट मध्ये कुनै एक पाउने अवसर प्राप्त गर्नेछन् ।
यो सीमित अवधिको अफरले ग्राहकलाई थप मूल्य प्रदान गर्नेतर्फको कम्पनीको प्रतिबद्धता झल्काउने तथा ई–मोबिलिटीलाई अझ आकर्षक बनाउने कम्पनीको विश्वास लिएको छ ।
