साहस उर्जा लिमिटेडले गत आर्थिक वर्ष २०८१/८२ को चौथो त्रैमासको वित्तीय विवरण प्रकाशन गरेको छ। प्रकाशित वित्तीय विवरण अनुसार यस अवधिमा कम्पनीले ९० करोड २७ लाख खुद नाफा कमाएको छ।
अघिल्लो आर्थिक वर्षको तुलनामा कम्पनीको खुद नाफा ११४.७० प्रतिशतले बढेको हो। अघिल्लो आर्थिक वर्षको यसै अवधिमा कम्पनीको खुद नाफा ४२ करोड ३ लाख थियो।
यस अवधिमा कम्पनीको विद्युत बिक्रीको आम्दानी २ अर्ब ४४ करोड ७४ लाखबाट बढेर २ अर्ब ६४ करोड ८१ लाख पुगेको छ। कम्पनीको संचालन मुनाफा १ अर्ब ५९ करोडबाट बढेर १ अर्ब ७३ करोड पुगेको छ। कम्पनीको ब्याज खर्च १ अर्ब १६ करोडबाट घटेर ८० करोड ५९ लाख कायम भएको छ।
यस अवधिमा कम्पनीको चुक्ता पुँजी ३ अर्ब ७८ करोड रहेको छ। यस अवधिमा कम्पनीको प्रति शेयर आम्दानी २३.८८ रुपैयाँ छ भने प्रति शेयर नेटवर्थ १८४ रुपैयाँ रहेको छ।
हाल कम्पनीले ८६ मेगावाट क्षमताको सोलुखोला दुधकोशी जलविद्युत आयोजना निर्माण सम्पन्न गरि विद्युत उत्पादन गरिरहेको छ । साथै कम्पनीको सहायक कम्पनी टाइम्स इनर्जीले ३४१ मेगावाटको बुढीगण्डकी जलविद्युत आयोजना निर्माण गर्ने तयारी गरेको छ। सो आयोजनाको लागि केहि दिन अघि मात्र वित्तीय व्यवस्थापन सम्झौता भएको छ। सो आयोजनामा लगानी गर्न कम्पनीले शतप्रतिशत हकप्रद निष्काशन गर्ने तयारी पनि गरेको छ।
