नेपाल राष्ट्र बैंकले वाणिज्य बैंकका प्रमुख कार्यकारी अधिकृतहरूसँग छलफल कार्यक्रम गरेको छ । राष्ट्र बैंकले हिजो मंगलबार वाणिज्य बैंकका सीइओहरुसंग सामुहिक छलफल गरेको हो।
आ.व. २०८२/८३ का लागि जारी गरेको मौद्रिक नीति, दोस्रो वित्तीय क्षेत्र विकास रणनीति एवम् बैंक तथा वित्तीय संस्था सम्वन्धी ऐनको प्रस्तावित परिमार्जन लगायतका विषयमा छलफल गरिएको राष्ट्र बैंकले जनाएको छ। छलफलमा राष्ट्र बैंकका गभर्नर, दुवै जना डेपुटी गभर्नरहरु, विभिन्न विभागका कार्यकारी निर्देशकहरु लगायत सहभागी थिए।
वाणिज्य बैंकका सीइओहरुपछि राष्ट्र बैंकले आज बुधबार वाणिज्य बैंकका अध्यक्षहरुसंग छलफल गर्दै छ। आ.व. २०८२/८३ का लागि जारी गरेको मौद्रिक नीति, दोस्रो वित्तीय क्षेत्र विकास रणनीति एवम् बैंक तथा वित्तीय संस्था सम्वन्धी ऐनको प्रस्तावित परिमार्जन लगायतका विषयमा आज वाणिज्य बैंकका अध्यक्षहरुसंग राष्ट्र बैंकले छलफल गर्न लागेको हो।
