प्रधानमन्त्री वालेन्द्र शाहले मन्त्रिपरिषद् बैठक बोलाएका छन् । उनले आज मंगलबार दिउँसो ३ बजे प्रधानमन्त्री तथा मन्त्रिपरिषद् कार्यालयमा बैठक बोलाएका हुन्।
आजको बैठकले संसद अधिवेशन आह्वान गर्नको लागि राष्ट्रपतिसमक्ष सिफारिस गर्ने सम्भावना छ । यस अघि आह्वान भैसकेको संसद अधिवेशन पनि स्थगित गरिएको थियो।
संसद अधिवेशन स्थगित गरेर सरकारले ८ वटा अध्यादेश जारी गर्नको लागि राष्ट्रपतिलाई सिफारिस गरेको थियो। राष्ट्रपतिले ८ वटै अध्यादेश जारी गरिसकेका छन् ।
यस संगै अब सरकारले संसद अधिवेशन आह्वानको लागि सिफारिस गर्न लागेको हो । यो संसदको बजेट अधिवेशन हुने छ। आगामी जेठ १५ गते संसदमा अर्थमन्त्रीले आर्थिक वर्ष २०८३/८४ को बजेट पेश गर्ने छन् ।
