नेपाल वायुसेवा निगम (नेपाल एयरलाइन्स)ले आफ्ना दुइ वटै ट्वीनअटर विमानले नियमित उडान गरिरहेको जनाएको छ । एक विज्ञप्ति जारी गरेर नेपाल एयरलाइन्सले आफ्ना दूवै ट्वीनअटर विमानले आन्तरिक गन्तव्यमा नियमित उडान थालेको जनाएको हो ।
निगमका प्रवक्ता सुवास डाँगीका अनुसार अहिले कलसाईन ९–एनएबिटी र ९एनएबीयु भएका ट्वीनअटर विमान पूर्ण रूपले सञ्चालनमा आएका हुन् । उनका अनुसार यी ट्वीनअटर जहाज मापदण्डअनुसार नियमित मर्मत सम्भार सम्पन्न गरिएको र दुईवटै नयाँ इञ्जिन परिवर्तन गरिएको छ । यस सँगै नियामकीय जाँच सम्पन्न भएपश्चात् वैशाख २९ गतेदेखि पूर्णरुपमा नियमित उडान तालिकाअनुसार सञ्चालनमा आएका हुन् ।
निगमका प्रवक्ता डाँगीले हरेक दिन एक विमानले कम्तीमा ४ उडान गर्नेगरी तालिका कायम भएको पनि जनाएका छन् ।
