नाडा अटोमोबाइल्स एसोसियशन अफ नेपालले प्रयोग गरिएका विद्युतीय सवारी साधनहरू (सेकेण्ड ह्याण्ड विद्युतीय गाडी)को खरिद बिक्रीमा भ्याट बिल अनिवार्य गर्न सुझाव दिएको छ । आगामी आर्थिक वर्षको बजेटमा सुझाव पठाउँदै नाडाले सेकेण्ड ह्याण्ड विद्युतीय गाडीको बिक्रीमा भ्याट बिल अनिवार्य गर्न सुझाव दिएको हो ।
सेकेण्ड ह्याण्ड गाडीको कारोबारमा अनौपचारिक क्षेत्रको वर्चस्व रहेको जनाउँदै नाडाले प्रयोग गरिएको सवारी साधन बजारमा मासिक लगभग १ हजार ५०० चार पाङ्ग्रे सवारी साधन बिक्री हुने उल्लेख गरेको छ ।
‘यस क्षेत्रले वार्षिक अनुमानित ने.रु. १८ अर्बको कारोबार गर्दछ । जसमा १० प्रतिशत कर योग्य आय र १३ प्रतिशत मूल्य अभिबृिद्ध करले सरकारी राजस्वमा ने.रु. २३.४ करोड योगदान पुर्याउँछ’ नाडाले भनेको छ, ‘यथार्थ व्यापार तथ्याङ्कले नीति निर्माण र यातायात योजनामा सहयोग गर्नेछ ।’
नाडाका अनुसार मूल्य अभिवृद्धि कर नियम २०५३ को नियम ३३ मा प्रयोग गरिएका सामानहरूमा कर बिक्री र खरिद मूल्य बीचको भिन्नतामा मात्र गणना गरिन्छ भनी उल्लेख गरिएको र यो स्क्र्यापदेखि उच्च मूल्यका सवारी साधनहरूसम्म सबै प्रयोग गरिएका सामानहरूमा लागू हुने नाडाले जनाएको छ ।
