रिलायबल नेपाल लाइफ इन्स्योरेन्स कम्पनीले लाभांश घोषणा गरेको छ । कम्पनीले आर्थिक वर्ष २०८०/०८१ को मुनाफाबाट सेयरधनीलाई बोनस सेयर र नगद लाभांश गरी चूक्ता पूँजीको १२.६३ प्रतिशत लाभांश वितरण गर्ने प्रस्ताव गरेको हो ।
बैशाख २३ गते बसेको कम्पनीको सञ्चालक समितिको १५१ बैठकले हाल कायम चूक्ता पूँजी ४ अर्ब ६४ करोडको १२ प्रतिशत बोनस सेयर र यसको कर प्रयोजनका लागि ०.६३१५ प्रतिशत नगद लाभांश वितरण गर्ने प्रस्ताव गरेको हो ।
उक्त बोनस तथा नगद लाभांश नेपाल बीमा प्राधिकरणबाट स्वीकृत भएपछि र कम्पनीको वार्षिक साधारणसभाबाट पारित भएपछि लगानीकर्तामा वितरण हुनेछ ।
