बजारमा अण्डाको भाउ घटेको छ । नेपाल लेयर्स कुखुरापालक संघले शुक्रबारबाट प्रतिक्रेट ३० देखि ३५ रूपैयाँका दरले अण्डाको भाउ समायोजन गरेको हो ।
संघको बिहीबार बसेको बैठकले शुक्रबारबाट अण्डाको मूल्य घटाउने निर्णय गरेको हो । संघका अध्यक्ष विनोद पोखरेलका अनुसार मूल्य घटेसँगै अब मध्यम आकारको अण्डा प्रतिक्रेट ३५० रुपैयाँ, ठूलो अण्डा प्रतिक्रेट ३७० रुपैयाँ र र एक्स–एल अण्डा प्रतिक्रेट ३८५ रूपैयाँ पर्ने भएको छ।
यसअघि ठूलो अण्डा प्रतिक्रेट ४ सय, मध्यम आकारको अण्डा प्रतिक्रेट ३८५ र एक्स–एल अण्डा प्रतिक्रेट ४१५ रूपैयाँ थियो ।
