काठमाडौँको सुकेधारामा फ्रान्सेली ब्राण्डको नयाँ पाँचतारे ‘होटल मक्र्योर’को आज उद्घाटन भएको छ । ‘होटल मक्र्योर’को प्रधानमन्त्री केपी शर्मा ओलीले उद्घाटन गरेका छन् ।
एकोर ग्रुप अन्तर्गतको मक्र्योर ब्राण्डलाई नेपाल उद्योग वाणिज्य महासंघका केन्द्रीय सदस्यसमेत रहेका देशबन्धु बस्नेत (अजित)ले नेपाल भित्र्याएका हुन् । होटलका सञ्चालक बस्नेतका अनुसार ११ तले भवनको सो होटलमा १०४ कोठा छन् । होटलमा करिब ३ खर्ब रुपैयाँ लगानी भएको छ ।
यो होटलको व्यवस्थापन सम्हाल्न एसिया, युरोप, अफ्रिका एवं मध्यपूर्वक ११० देशमा ५ हजार ७ सय भन्दा बढी होटल सञ्चालन गरिरहेको एकोर ग्रुप पहिलो पटक नेपाल भित्रिएको हो ।
होटलको माथिल्लो तलामा स्वीमिङ पुल छ । नेपाली, इण्डियन, चाइनिज रेस्टुरेन्ट, तीन सय क्षमताको ब्याक्वेट हल, आधुनिक जिम, स्टीम र साउना, वेलनेस सेन्टरसहितका सेवा सुविधा उपलब्ध रहेको होटलमा हाल २२० जनाले रोजगारी पाएका छन् ।
