एकर्ड फर्मासुटिकल्सले विशेष साधारणसभा आह्वान गरेको छ। कम्पनीले असार १४ गते शुक्रबार बबरमहलको बसेर बुटिक होटेलमा विशेष साधारणसभा आह्वान गरेको हो ।
कम्पनीले विशेष साधारणसभामा कम्पनीको पुँजी वृद्धि गर्ने, हकप्रद निष्काशन गर्ने लगायतका प्रस्ताव सभामा पेश गर्ने छ । कम्पनीको साधारणसभामा अधिकृत तथा जारी पूँजी बृद्धि गर्ने , कम्पनीको प्रबन्ध पत्रको दफा (६) को उपदफा (क), (ख), (ग) तथा (घ) संशोधन गर्ने , अधिकृत तथा जारी पूँजी बृद्धि पश्चात् हकप्रद शेयर निष्काशन गर्ने , पूँजी बृद्धि, हकप्रद शेयर निष्काशन गर्ने लगायत दफा संशोधन सम्बन्धमा नियमन निकायहरूबाट कुनै पनि किसिमको
फेरबदल, संशोधन एवं थपघट सम्बन्धी निर्देशन प्राप्त भएमा निर्देशन बमोजिमको कार्य गर्न संचालक समितिलाई आवश्यक सम्पुर्ण अख्तियारी प्रदान गर्ने लगायतका प्रस्ताव पेश हुने छन् ।
कम्पनीले यस अघि नै नेपाल धितोपत्र बोर्डमा आईपीओ निष्काशनको अनुमति माग गर्दै २०७९ साल मै आवेदन दिएको थियो । अब भने कम्पनीले हकप्रद मार्फत पुँजी बढाएर मात्र आईपीओ निष्काशन गर्ने भएको छ ।
