सरकारले बजेट भाषणमार्फत सुनको भन्सार दर बढाएपछि भाउ पनि ह्वात्तै बढेको छ । शुक्रबार प्रतितोला २ लाख ९० हजार ६ सय रुपैयाँमा कारोबार भएको छापावाल सुनको भाउ आइतबार तोलामा २० हजार ५ सय रुपैयाँले बढेर प्रतितोला ३ लाख ११ हजार १ सय रुपैयाँमा कारोबार भइरहेको छ ।
आज प्रति १० ग्राम छापावाल सुनको भाउ २ लाख ६६ हजार ७२० रुपैयाँ तोकिएको छ । सरकारले शुक्रबार बजेट भाषणमार्फत सुनको भन्सार दर १० प्रतिशतबाट बढाएर २० प्रतिशत कायम गरेको थियो । यसपछि आज सुनको भाउ बढेको हो ।
आज चाँदीको भाउ पनि तोलामा ३०५ रुपैयाँले बढेर प्रतितोला ५ हजार ३४५ रुपैयाँमा किनबेच भइरहेको छ । आज १० ग्राम चाँदीको भाउ ४ हजार ५८३ रुपैयाँ तोकिएको छ ।
