शुक्रबार अर्थमन्त्री डा. स्वर्णिम वाग्लेले आर्थिक वर्ष २०८३/८४ को लागि २१ खर्ब २४ अर्ब ३४ करोडको बजेट ल्याए । स्रोततर्फ उनले राजस्वमार्फत १४ खर्ब ५ अर्ब र विदेशी अनुदानबापत ६१ अर्ब, विदेशी ऋण २४७ अर्ब र आन्तरिक ऋण ४१० अर्ब संकलन गर्ने लक्ष्य प्रस्तुत गरेका छन्।
सरकारले आर्थिक वर्ष २०८३/८४ मा कुल २ खर्ब ४७ अर्ब २८ करोड ७ लाख रुपैयाँ वैदेशिक ऋण लिने लक्ष्य लिएको छ । त्यसमध्ये पनि ८६ अर्ब ५ करोड ५ लाख रुपैयाँ सोझै नगद, ६१ अर्ब ३० करोड ५७ लाख सोझै भुक्तानी र ९९ अर्ब ९२ करोड ४५ लाख सोधभर्नाको रकम हुने गरि वैदेशिक ऋण लिने उल्लेख छ ।
२४७ अर्ब मध्ये सरकारले को बाट कति लिन्छ ऋण ? यस्तो छ लक्ष्य
एशियाली विकास बैंक र अन्तर्गतका निकायबाट – १ खर्ब १२ अर्ब २७ करोड ७४ लाख
विश्व बैंक र अन्तर्गतका निकायबाट – ८९ अर्ब ८७ करोड ६६ लाख
अन्तराष्ट्रिय मुद्रा कोषको ईसीएफ सुविधा मार्फत – ६ अर्ब ३० करोड १ लाख
ओपेकबाट – ४५ करोड ९२ लाख
अन्तर्राष्ट्रिय कृषि विकास कोष (आईफाड)बाट- ३ अर्ब १३ करोड ९२ लाख
एशियन पूर्वाधार लगानी बैंकबाट – ४ अर्ब
विद्यालय क्षेत्र सुधार कार्यक्रमबाट – ९ अर्ब ५३ करोड ८४ लाख
चीनबाट – १ अर्ब
भारतबाट – २ अर्ब ७ करोड ५० लाख
जापानबाट – ६ अर्ब ७ करोड ५० लाख
कुवेत विकास कोषबाट – ८७ करोड
साउदी विकास कोषबाट – १ अर्ब ६२ करोड ८१ लाख
युरोपियन युनियनबाट – १० अर्ब ४ करोड १७ लाख
जम्मा : २ खर्ब ४७ अर्ब २८ करोड ७ लाख
