नेपालका लागि इन्डोनेशियाकी मनोनीत राजदूत लिस्ट्योवतीलाई आइएमई ग्रुपले स्वागत गरेको छ । ग्रुपका अध्यक्ष चन्द्र प्रसाद ढकालले उनलाई ग्रुपको कार्यालयमा स्वागत गरेका हुन् ।
नेपाल र इन्डोनेसियाबीच कायम रहेको आपसी सहयोग र साझा मूल्य–मान्यतामा आधारित मित्रतालाई उचाई दिन र द्विपक्षीय सम्बन्ध सुदृढ पार्ने आफ्नो योजना रहेको राजदूत लिस्ट्योवतीले अध्यक्ष ढकाल समक्ष जानकारी गराएकी छिन् । उनको यस प्रतिवद्धतालाई ढकालले प्रेरणादायी भनेका छन् ।
नेपालका लागि इन्डोनेशियाका अवैतनिक महावाणिज्यदूत समेत रहेका ढकालले भेटका क्रममा लिस्ट्योवतीको कार्यकाल सफल र फलदायी रहोस् भन्ने शुभकामना पनि व्यक्त गरेका छन् ।
लिस्ट्योवती बंगलादेशको ढाकामा रहँदै आएकी छिन् ।
