सहास ऊर्जा लिमिटेडले भोटेकोशी बाढी प्रभावितका लागि १ करोड ५१ लाख रुपैयाँ सहयोग गरेको छ । कम्पनीले प्रधानमन्त्री दैविक प्रकोप उद्धार कोषमार्फत बाढी पीडितका लागि उक्त रकम सहयोग गरेको हो ।
कम्पनीका अध्यक्ष हिमप्रसाद पाठकका अनुसार विपदको समयमा प्रभावितहरुको राहत, उद्वार र पुनःस्थापनामा सहयोग पुगोस् भन्ने उदेश्यले कम्पनीले उक्त रकम सहयोग गरेको हो ।
८६ मेगावाटको सोलु दूधकोसी र ५ मेगावाटको हुग्दीखोला आयोजना सञ्चालन गरिरहेको सहास ऊर्जाले ३४१ मेगावाटको बूढीगण्डकी जलविद्युत आयोजना निर्माण गरिरहेको छ ।
