सरकारले लामो समयदेखि विवरण पेश नगरेका र अद्यावधिक नगरेका कम्पनीहरुका लागि विशेष अफर ल्याएको छ । सरकारले बजेट मार्फत आर्थिक ऐनमा समावेश गरेर यस्तो अफर ल्याएको हो ।
यस्तो अफर कम्पनी ऐन, २०६३ बमोजिम दर्ता भएका कम्पनीले कानूनले तोके बमोजिम म्यादभित्र विवरण पेश नगरेको, अद्यावधिक नगरेको वा दाखिला गर्नुपर्ने कर, शुल्क, दस्तुर, जरिवाना दाखिला नगरेका कम्पनीले उपयोग गर्न पाउने छन् । अफर अनुसार त्यस्ता कम्पनीले कारोबार जारी राख्न वा दर्ता खारेज गर्न चाहेमा आ.व. २०८२/०८३ को लागि कानून बमोजिम लाग्ने कर, शुल्क, दस्तुर तथा विवरण संवत् २०८३ असोज मसान्तभित्र पेश गरेमा सोभन्दा अघि लागेको वा लाग्ने सम्पूर्ण कर, शुल्क, दस्तुर वा जरिवाना मिनाहा हुने छ ।
कम्पनी रजिष्ट्रार कार्यालयले कारोवार जारी राख्न वा दर्ता खारेज गर्न चाहने कम्पनीले आर्थिक वर्ष २०८२/०८३ को विवरण २०८३ असोज मसान्तभित्र पेश गरी कानून बमोजिम कर, शुल्क, दस्तुर तथा जरिवाना मिनाहाको लाभ लिन आग्रह गरेको छ ।
