चालु आर्थिक वर्षमा नेपालीहरुको प्रतिव्यक्ति आयमा सुधार नदेखिने भएको छ । तथ्यांक कार्यालयको अनुमान अनुसार प्रतिव्यक्ति कुल राष्ट्रिय आय गत वर्षकै समान १ हजार ५३५ अमेरिकी डलर नै देखिएको छ ।
आर्थिक वृद्धिदर ३.८५ प्रतिशत रहने भएपनि प्रतिव्यक्ति आयमा भने सुधार नदेखिएको हो ।
चालु आर्थिक वर्षमा प्रतिव्यक्ति कुल गार्हस्थ्य उत्पादन भने बढेको छ । प्रतिव्यक्ति कुल गार्हस्थ्य उत्पादन चालु आर्थिक वर्षको अन्त्यमा २ हजार ४४ अमेरिकी डलर कायम हुने अनुमान गरिएको छ । प्रतिव्यक्ति कुल गार्हस्थ्य उत्पादन गत आर्थिक वर्षमा १ हजार ९९४ अमेरिकी डलर थियो ।
प्रतिव्यक्ति कुल राष्ट्रिय खर्चयोग्य आय भने घटेको छ । यस्तो आय गत आर्थिक वर्षमा १ हजार ५१६ अमेरिकी डलर रहेकोमा यो आर्थिक वर्षमा १ हजार ५१३ अमेरिकी डलर रहने कायम भएको छ ।
