नेपाल सरकारले लिएको तिर्न बाँकी ऋण २८ खर्ब ५८ अर्ब रुपैयाँ नाघेको छ । सार्वजनिक ऋण व्यवस्थापन कार्यालयले सार्वजनिक गरेको तथ्यांक अनुसार माघ मसान्त सम्मको सार्वजनिक ऋण २८ खर्ब ५८ अर्ब ९७ करोड रुपैयाँ पुगेको हो ।
नेपालको सार्वजनिक ऋण कुल ग्राहस्थ उत्पादन (जीडीपी)को ४६.८१ प्रतिशत हो । कुल ऋणमध्ये आन्तरिक ऋण १३ खर्ब ४९ अर्ब १३ करोड र बाह्य ऋण १५ खर्ब ९ अर्ब ८४ करोड रुपैयाँ रहेको छ । यस अनुसार कुल ऋणमा आन्तरिक ऋणको हिस्सा ४७.१९ प्रतिशत र बाह्य ऋणको हिस्सा ५२.८१ प्रतिशत रहेको छ ।
चालु आर्थिक वर्षमा सरकारले ५ खर्ब ९५ अर्ब रुपैयाँ ऋण उठाउने लक्ष्य लिएकोमा माघ सम्ममा २ खर्ब ५५ अर्ब ४८ करोड रुपैयाँ उठाइसकेको छ ।
