अख्तियार दुरुपयोग अनुसन्धान आयोगले मुख्यसचिव डा. वैकुण्ठ अर्यालसहित ९ जना विरुद्ध भ्रष्टाचार मुद्दा दर्ता गरेको छ । अन्तःशुल्क स्टिकर छपाइ खरिदको क्रममा भ्रष्ट्राचार भएको भन्दै अख्तियारले आज विशेष अदालतमा मुद्दा दायर गरेको हो ।
अख्तियारले मुख्यसचिव अर्याल सहित अर्थ मन्त्रालयका सहसचिव रितेश कुमार शाक्य (तत्कालीन आन्तरिक राजस्व विभागका महानिरीक्षक), भन्सार विभागका टेकप्रसाद पाण्डे, सुरक्षण मुद्रण केन्द्रका तत्कालीन कार्यकारी निर्देशक विकल पौडेल विरुद्द मुद दायर गरेको हो । अख्तियारले जनही ३८ करोड ६७ लाख १७ हजार ६ सय ४० रुपैयाँ बिगो मागदाबीसहित आइतबार विशेष अदालतमा मुद्दा दायर गरेको हो ।
त्यस्तै आन्तरिक राजश्व विभागका गणेश विक्रम शाही, सूचना प्रविधि केन्द्रका सफल श्रेष्ठ, शाखा अधिकृत रविन्द्र प्रसाद पौडेल र लेखा अधिकृत विष्णु प्रसाद गौतम विरुद्द पनि मुद्दा दायर भएको छ । यस्तै सरकारी कर्मचारीहरू हरि वल्लभ घिमिरे र शक्तिप्रसाद श्रेष्ठविरुद्ध पनि मुद्दा दायर भएको छ । अन्तःशुल्क स्टिकर छपाइको ठेक्का पाएको कम्पनी प्रिन्स सेल र त्यसका निर्देशक केशव शर्मालाई पनि प्रतिवादी बनाइएको छ ।
