कोलम्बियन गायिका शाकिराले २०२६ को फिफा विश्वकपको आधिकारिक गीत ‘Dai Dai’ को टीजर सार्वजनिक गरेकी छन् । नाइजेरियन कलाकार Burna Boy सँगको सहकार्यमा तयार भएको यो गीत मे १४ तारिख (३१ वैशाख) मा पूर्ण रूपमा रिलिज हुने भएको छ ।
‘Dai Dai’ को अर्थ
‘Dai Dai’ इटालियन भाषाको शब्द हो । ‘Dai’ को अर्थ “Come on!”, “Let’s go!”, “Hurry up!” वा “Go for it!” हो । यो फुटबल स्टेडियममा फ्यानहरूले खेलाडीलाई उत्साह दिन प्रयोग गर्ने सामान्य शब्द हो । ‘Dai Dai’ भनेको दोहोर्याएर “Come on! Come on!” वा “Let’s go! Let’s go!” जस्तो उर्जावान चियर्स हो । गीतमा शाकिराले यो शब्दलाई अन्य भाषासँग मिसाएर ग्लोबल फुटबलको भावना झल्काएकी छन् ।
शाकिरा र विश्वकप गीत
शाकिरालाई विश्वकपको ‘Queen’ पनि भनिन्छ । उनी हरेक विश्वकपसँग जोडिएकी छिन् :
२००६ (जर्मनी) — ‘Hips Don’t Lie’ (अनौपचारिक रूपमा लोकप्रिय)
२०१० (दक्षिण अफ्रिका) — ‘Waka Waka’ (आधिकारिक गीत, अहिलेसम्मकै सबैभन्दा सफल विश्वकप गीत)
२०१४ (ब्राजिल) — ‘La La La’
२०२६ (USA, Mexico, Canada) — ‘Dai Dai’ (आधिकारिक गीत)
यो पटक फिफाले नै शाकिरालाई आधिकारिक गीत तयार पार्न दिएको हो । गीतको टीजर ब्राजिलको प्रसिद्ध माराकाना स्टेडियममा खिचिएको छ । उनले इन्स्टाग्राममा टिजर सार्वजनिक गरेकी हुन् ।
View this post on Instagram
यो गीतले विश्वभरका फुटबल फ्यानहरूलाई एकजुट पार्ने र विश्वकपको माहोल अझै उत्साहपूर्ण बनाउने अपेक्षा गरिएको छ । मे १४ पछि पूर्ण गीत र म्युजिक भिडियो सार्वजनिक भएपछि थप चर्चा हुने देखिन्छ ।
