विश्व फुटबलको सर्वोच्च संस्था विश्व फुटबल महासंघ (फिफा) ले सन् २०२६ को विश्वकप फुटबलको लागि अहिलेसम्म कै धेरै पुरस्कार राशी घोषणा गरेको छ। अमेरिका, क्यानडा र मेक्सिकोमा संयुक्त रूपमा आयोजना हुने यो विश्वकपमा सहभागी ४८ टोलीहरूलाई कुल ७२७ मिलियन अमेरिकी डलर वितरण गरिनेछ।
यो राशी सन् २०२२ को कतार विश्वकपको तुलनामा ५० प्रतिशतले बढी हो। २०२२ मा कुल पुरस्कार राशि ४४० मिलियन डलर मात्र थियो।
२०२२ को विश्वकपमा विजेता अर्जेन्टिनाले ४२ मिलियन डलर प्राप्त गरेको थियो भने यसपटक विजेता टोलीले ५० मिलियन डलर पाउनेछ। यसैगरी, शीर्ष स्थानहरूको पुरस्कार पनि उल्लेखनीय रूपमा बढाइएको छ। यसबाहेक, प्रत्येक सहभागी टोलीलाई प्रतियोगिताको तयारी खर्चबापत छुट्टै १.५ मिलियन डलर प्रदान गरिनेछ। यसरी, समूह चरणबाटै बाहिरिने टोलीले पनि कम्तीमा १०.५ मिलियन डलर प्राप्त गर्नेछन्।
अब कसले कति पाउँछन् ?
विजेता (१औं स्थान) : ५० मिलियन डलर
उपविजेता (२औं स्थान) : ३३ मिलियन डलर
तेस्रो स्थान : २९ मिलियन डलर
चौथो स्थान : २७ मिलियन डलर
क्वार्टरफाइनल (५औं–८औं स्थान) : प्रत्येकलाई १९ मिलियन डलर
राउन्ड अफ १६ (९औं–१६औं स्थान) : प्रत्येकलाई १५ मिलियन डलर
राउन्ड अफ ३२ बाट बाहिरिने (१७औं–३२औं स्थान) : प्रत्येकलाई ११ मिलियन डलर
समूह चरणबाट बाहिरिने (३३औं–४८औं स्थान) : प्रत्येकलाई ९ मिलियन डलर
२०२२ सँग तुलना :
२०२२ मा विजेता : ४२ मिलियन डलर (अब ५० मिलियन, करिब १९% बढी)
उपविजेता : ३० मिलियन → अब ३३ मिलियन
तेस्रो : २७ मिलियन → अब २९ मिलियन
चौथो : २५ मिलियन → अब २७ मिलियन
क्वार्टरफाइनल : १७ मिलियन → अब १९ मिलियन
राउन्ड अफ १६ : १३ मिलियन → अब १५ मिलियन
समूह चरण : ९ मिलियन (समान)
यो विश्वकपमा टोली संख्या ३२ बाट ४८ पुगेको र नयाँ चरण (राउन्ड अफ ३२) थपिएकाले पुरस्कार राशि बढाइएको फिफाले जनाएको छ। यो वृद्धिले विश्व फुटबलको विकास र खेलाडीहरूलाई प्रोत्साहन दिने अपेक्षा गरिएको छ। विश्वकप २०२६ जुन–जुलाईमा हुनेछ।
