बंगलादेश प्रिमियर लिग (बीपीएल) को आगामी सिजनका लागि नेपालका सन्दिप लामिछाने राजशाही वारियर्ससँग अनुबन्धित भएका छन्। राजशाही वारियर्सले आफ्नो सामाजिक संजालमार्फत उनलाई अनुबन्ध गरिएको जानकारी दिएको हो ।
नेपालमा हालै सम्पन्न नेपाल प्रिमियर लिगमा सन्दिप सर्वाधिक विकेट लिने खेलाडी बनेका थिए। उनले कप्तानी गरेको टिम विराटनगर किंग्स अंक तालिकाको दोस्रो स्थानमा रहेको थियो । तर फाइनल पुग्न भने असफल भयो । सन्दिपले यस अघि पनि बिपीएल खेल थिए।
त्यस्तै न्यूजिल्यान्डका स्टार अलराउन्डर जिमी निशम पनि राजशाही वारियर्ससँग अनुबन्धित भएका छन्। निशम पनि एनपीएल खेल्न नेपाल आएका थिए। उनले यस पटक पोखरा एभेन्जर्सबाट खेलेका थिए।
बीपीएलको यो संस्करण डिसेम्बर २६ बाट सुरु हुँदैछ।
