सिद्धार्थ बैंक नेपाल प्रिमियर लिग (एनपीएल) सिजन–२ को उपाधि लुम्बिनी लायन्सले जितेको छ ।
शनिबार भएको फाइनल खेलमा सुदूरपश्चिम रोयल्सलाई ६ विकेटले पराजित गर्दै लुम्बिनीले एनपीएलको उपाधि जितेको हो ।
पहिला ब्याटिङ गरेको सुदूरपश्चिमले जम्मा ८५ रन मात्रै बनाएर ८६ रनको झिनो लक्ष्य दिएको थियो । जवाफी ब्याटिङमा उत्रिएको लुम्बिनीले ९ ओभरको समाप्तिमै लक्ष्य पूरा गरेको हो ।
लुम्बिनीको जितमा ओपनर दिनेश अधिकारीले १३ बलमा सर्वाधिक ४२ रन बनाए । डार्सी सर्ट १३, कप्तान रोहित पौडेल १८ र सन्दीप जोरा ० रनमा आउट भए । निरोशन डिक्वेला ११ र दिलिप नाथ एक रनमा अविजित रहे ।
बलिङमा सुदूरपश्चिमका हेमन्त धामीले दुई, अभिनाश बोहरा र कप्तान दीपेन्द्रसिंह ऐरीले एकएक विकेट लिए ।
टस जितेर पहिला ब्याटिङ गरको सुदूरपश्चिम रोयल्स १९ ओभर एक बलमा ८५ रनमा समेटिएको थियो ।
आज पराजित भएसँगै सुदूरपश्चिम भने लगातार दुइ सिजन नै उपविजेतामा सिमित भएको छ । गत सिजन पनि सुदूरपश्चिम फाइनलमा जनकपूरसँग पराजित भएको थियो ।
