आईसीसी टी-२० विश्वकप एसिया तथा इस्ट एसिया पेसिफिक छनोटको सुपर सिक्सअन्तर्गतको खेलमा नेपालले युएआईलाई १ रनले हराएको छ । नेपालले पहिले ब्याटिंग गरेको युएईलाई १४१ रनको लक्ष्य दिएकोमा युएईले निर्धारित २० ओभरमा ९ विकेटको क्षतिमा १३९ रन मात्र बनाएको हो ।
जितको लागि अन्तिम ओभरमा युएइलाई १० रन चाहिएको थियो। तर युएईले ८ रन मात्र बनाउन सक्यो र अन्तिम ओभरमा ३ विकेट गुमायो । अन्तिम ओभर दिपेन्द्र सिंह ऐरीले बलिंग गरेका थिए। जसमा उनले १ विकेट लिए भने दुई जना खेलाडी रन आउट भएका थिए ।
आजको जित संगै सुपर सिक्समा नेपालको ४ अंक भएको छ र विश्वकप नजिक नेपाल पुगेको छ। अर्थात् आजको जित पछि नेपालको विश्वकपको लागि छनौट हुने सम्भावना बलियो बनेको छ। यद्यपि नेपालले अझै खेल भने जित्नु पर्ने हुन्छ। नेपालले आज बलियो रहेको युएईलाई हराएर महत्वपूर्ण २ अंक लिन सफल भएको हो । सुपर सिक्समा ६ टिम पुगेकोमा शिर्ष ३ मा रहने ३ टिमले आगामी टि २० विश्वकपमा भाग लिन पाउने छन् ।
अब नेपालले कतार, ओमान र सामोआसंग खेल्न बाँकि छ।
