ब्राजिल कोपा अमेरिकाको क्वाटरफाइनलबाटै बाहिरिएको छ । आज बिहान सम्पन्न क्वाटरफाइनल खेलमा उरुग्वेसँग पराजित हुँदै ब्राजिल प्रतियोगिताबाट बाहिरिएको हो।
निर्धारित समयको खेल गोल रहित बराबरीमा सकिएपछि खेल पेनाल्टीमा गएको थियो । पेनाल्टीमा उरुग्वेले ४ गोल गर्दै सेमिफाइनलमा स्थान सुरक्षित गरेको हो । ब्राजिलले पेनाल्टीमा २ गोल मात्र गर्न सक्यो । यस संगै पेनाल्टीमा ४-२ ले उरुग्वे विजयी भएको हो ।
अब सेमिफाइनलमा उरुग्वे र कोलम्बिया भिड्ने छन् । अर्को सेमिफाइनलमा अर्जेन्टिना र क्यानाडा भिड्ने छन् ।
