पौडी सिक्न चाहनेहरूका लागि काठमाडौँमा खुल्यो ‘स्वीमहब एकेडेमी’

पौडी सिक्न चाहनेहरूका लागि ‘स्वीमहब एकेडेमी’ सञ्चालनमा आएको छ । सबै खालका उमेर समूहका व्यक्तिहरुलाई सजिलै पौडी सिकाउन सकिने गरि स्वीमहब एकेडेमी सञ्चालनमा आएको हो ।

एकेडेमीले विभिन्न उमेर समूहका व्यक्तिहरुलाई स्तरीय पौडी तालिम उपलब्ध गराउने सञ्चालक रितेश खड्काले जानकारी दिए ।

अनुभवी प्रशिक्षकद्वारा तालिम

स्वीमहब एकेडेमीले नयाँ सिक्नेहरूदेखि प्रतिस्पर्धात्मक पौडी खेलाडीहरूसम्म सबैका लागि विशेष प्रशिक्षण कार्यक्रम ल्याएको छ । अनुभवी प्रशिक्षकहरूको मार्गदर्शनमा विद्यार्थीहरूले पौडी प्रविधि, पानी सुरक्षाका उपाय, शारीरिक फिटनेस र प्रतिस्पर्धात्मक पौडी सीप विकास गर्न सक्ने एकेडेमीले जनाएको छ ।

बच्चादेखि वृद्धसम्मका लागि विशेष कक्षाहरू उपलब्ध गराइने र जसले पौडी सिक्न र सिकिसकेकाहरुलाई थप सुधार गर्न सहज बनाउने विश्वास लिइएको छ । साथै, प्रशिक्षित लाइफगार्डहरूको व्यवस्था गरिएको र यसले प्रशिक्षार्थीहरूको सुरक्षा सुनिश्चित गर्ने पनि बताइएको छ ।

विशेष छुट र सदस्यता योजना

सुरुवाती अवधिमा विशेष छुट तथा आकर्षक सदस्यता योजनाहरू उपलब्ध गराइने एकेडेमीले जनाएको छ । जसले पौडी सिक्न चाहनेहरूलाई थप प्रेरित गर्नेछ ।
इच्छुक व्यक्तिहरूले काठमाडौँको बानेश्वर र भक्तपुरको लोकन्थलीस्थित केन्द्रहरूमा सम्पर्क गर्न सक्नेछन् ।

‘अब पौडी सिक्ने मात्रै होइन, कुशल पौडीबाज बन्ने अवसर हामीले उपलब्ध गराउने छौँ’ खड्काले भने ।