नेपाल चेम्बर अफ कमर्सका निवर्तमान अध्यक्ष राजेन्द्र मल्लले मतदान गरेका छन् । निर्जीवन बीमा व्यवसायी संघका अध्यक्षसमेत रहेका मल्लले टोखा नगरपालिका–५ श्री टोलस्थित मतदान केन्द्रमा पुगेर मतदान गरेका हुन् ।
मत खसालेपछि उनले लोकतन्त्रलाई बलियो बनाउन र नागरिक कर्तव्य पूरा गर्न सबैलाई उत्साहपूर्वक मतदान कार्यमा सहभागी हुन आह्वान पनि गरेका छन् ।
स्थिर सरकार, लगानीमैत्री वातावरण, रोजगारी र सुशासन अहिलेको आवश्यकता रहेको बताउँदै मल्लले निर्वाचन पश्चात बन्ने सरकारले निजी क्षेत्रलाई अर्थतन्त्रको मेरुदण्डका रुपमा लिएर सहकार्य गर्नुपर्ने धारणा राखेका छन् ।
