शाओमीको सह–ब्रान्ड रेडमीले रेडमी वाच ५ एक्टिभ र रेडमी वाच ५ लाइट (जीएनएसएससहित) बजारमा ल्याएको छ । यी दुबै मोडलहरूले लामो समय टिक्ने ब्याट्री, बलियो संरचना र स्वास्थ्य तथा फिटनेस निगरानीका विस्तृत सुविधा प्रदान गर्ने कम्पनीले जनाएको छ।
कम्पनीका अनुसार रेडमी वाच ५ एक्टिभ रु. ४,९९९ मा उपलब्ध छ, जसमा २ इन्चको उज्यालो डिस्प्ले छ, जसले सूर्यको प्रत्यक्ष प्रकाशमा पनि स्पष्ट देखिन्छ । यसमा १८ दिनसम्म टिक्ने ब्याट्री क्षमता छ, जसले गर्दा लामो यात्रामा निस्किनेहरूका लागि निकै उपयोगी छ । थप रूपमा, यसमा भ्वाइस कमाण्डमार्फत चल्ने एलेक्सा सुविधा, १४० भन्दा बढी खेल मोडहरू र धातुको मजबुत संरचना जस्ता विशेषताले यसलाई विश्वसनीय बनाएको कम्पनीले जनाएको छ।
प्रिमियम मोडलका रूपमा रहेको रेडमी वाच ५ लाइट भने रु. ७,४९९ मा उपलब्ध छ । कम्पनीका अनुसार यसमा रहेको जीएनएसएस प्रविधिले पाँचवटा स्याटेलाइट नेटवर्कसँग एकैपटक जोडिन सक्ने भएकाले स्थान ट्र्याकिङ अझै सटीक हुन्छ । १.९६ इन्चको एमोलेड डिस्प्ले, डुअल–माइक्रोफोन सेटअप, ५एटीएम पानी प्रतिरोध र १५० भन्दा बढी वर्कआउट मोडहरूले यसलाई फिटनेसप्रेमी र साहसिक यात्रुहरूका लागि उत्कृष्ट विकल्प बनाउने कम्पनीले जनाएको छ।
यी दुई मोडलले स्मार्टवाच बजारका प्रायः देखिने समस्याहरूलाई समाधान गर्ने प्रयास गको कम्पनीले उल्लेख गरेको छ । कम्पनीले भनेको छ ‘लामो समय टिक्ने ब्याट्रीले बारम्बार चार्ज गर्ने झन्झट हटाउँछ, उन्नत जीपीएस वा जीएनएसएस प्रणालीले सहरी वा ग्रामीण दुबै क्षेत्रमा भरपर्दो नेभिगेसन दिन्छ, र बलियो संरचनाले लामो समयसम्म प्रयोग गर्न सकिने विश्वास दिलाउँछ ।’
रेडमीका यी स्मार्टवाचहरू केवल प्रविधि प्रदर्शनका लागि मात्र नभई व्यावहारिक प्रयोगका लागि डिजाइन गरिएको कम्पनीले उल्लेख गरेको छ।
