नेकपा एमालेका अध्यक्ष केपी शर्मा ओलीले शिथिल भएको मुलुकको अर्थतन्त्रलाई गति दिन नयाँ गठबन्धन बनाउनु परेको बताएका छन् । उनले नेकपा एमाले र नेपाली कांग्रेसबीचको गठबन्धन पश्चात बन्ने सरकारले शिथिल भएको मुलुकको अर्थतन्त्रलाई गति दिने दाबी गरेका हुन् ।
पार्टीको संसदीय दलको बैठकलाई सम्बोधन गर्दै अध्यक्ष ओलीले रोकिएका विकास निर्माणका कामलाई अगाडि बढाउन र राष्ट्रिय आवश्यकतालाई सम्बोधन गर्न कांग्रेससँग मिलेर सरकार बनाउन लागिएको बताएका हुन् ।
उनले एमालेले कांग्रेससँगै मिलेर २०४६ सालको आन्दोलन र २०६२÷०६३ सालको जनआन्दोलन सफल भएको स्मरण गर्दै संविधान जारी गर्दा पनि एमाले र कांग्रेसले नै नेतृत्व लिएको सम्झिए ।
