निर्माण व्यवसायीहरुले सरकारले ६० अर्ब भूक्तानी दिएको र जसका कारण बजारको ‘सप्लाइ चेन’ नै बिग्रिएको बताएका छन् ।
निर्माण व्यवसायी महासंघले शुक्रबार पत्रकार सम्मेलन आयोजना गरेर निर्माण व्यवसायीहरूको ठूलो रकम भुक्तानी नहुँदा बजारको ‘सप्लाई चेन’ प्रभावित भएको र निर्माण उद्योग धराशायी बनेको बताएको हो ।
महासंघले चालू आयोजनाहरूको निर्माण कार्यमा बजेट अपुग तथा निकासा नभएको कारण करिरब २० अर्ब रुपैयाँ भुक्तानी हुन नसकेको जनाएको छ । त्यस्तै, सार्वजनिक खरिद नियमावलीको १३ औँ संशोधन पश्चात् म्याद थप भएपछि राज्यले निर्माण व्यवसायीलाई भुक्तानी गर्नुपर्ने दायित्व करिब ४० अर्ब रुपैयाँ पनि बाँकी नै रहेको महासंघको भनाइ छ ।
आफूले दिनुपर्ने ठूलो पैसा भूक्तानी नदिएको तर व्यवसायीलाई कालोसूचीमा राख्ने क्रम बढाइएको भन्दै महासंघले यसबाट निर्माण व्यवसायीहरुमा गम्भिर मनोवैज्ञानिक निराशा बढेको र केही व्यवसायीले आत्महत्या समेत गरेको बताएको छ ।
सरकारी कार्यालयबाट भुक्तानी नपाएकै कारण डडेलधुराका निर्माण व्यवसायी डम्बरदत्त भट्ट ९सन्तोष०ले असार १५ गते शनिबार आत्महत्या गरेको महासंघको भनाइ छ ।
ठूलो रकम भुक्तानी नहुँदा व्यवसायीहरू मानसिक रुपमा विक्षप्त हुन पुगेको तर्फ बेलैमा ध्यान दिन भनिएपनि सुनुवाई नभएको महासंघका महासचिव रोशन दाहालले बताए ।
तर, असार १४ गते शुक्रबारदेखि अर्थ मन्त्रालयबाट रकमान्तर र थप बजेट भुक्तानी सम्बन्धी कुनै पनि फाइल अगाडि बढ्न सकेको छैन ।
