एशियन लाइफ इन्स्योरेन्सले निष्काशन गरेको हकप्रद बाँडफांड भएको छ । भदौ ८ गते शेयर बाँडफांड गरिएको हो।
कम्पनीले असार २५ गतेदेखि साउन २० गतेसम्म १:०.४२ को अनुपातमा हाल कायम चुक्ता पुंजीको ४२ प्रतिशतले हुन आउने १ करोड ४२ लाख ७९ हजार ३ सय १२ दशमलव ४८ कित्ता हकप्रद शेयर निष्काशन गरेको थियो। बिक्री प्रबन्धक मुक्तिनाथ क्यापिटलका अनुसार यस हकप्रदमा रितपुर्वक आवेदन दिने लगानीकर्तालाई १ करोड ३९ लाख २० हजार ८ सय कित्ता शेयर बाँडफांड गरिएको छ।
अब बिक्री नभएको ३ लाख ५८ हजार ५ सय १२ दशमलव ४८ कित्ता शेयर लिलाममा आउने छ। कम्पनीले हक भन्दा बढीको माग गरि आवेदन दिनेको हकमा भदौ ११ गतेदेखि पैसा फिर्ता गर्ने जनाएको छ।
कम्पनीले हकप्रद निष्काशनको लागि जेठ १६ गते बुक क्लोज गर्ने निर्णय गरेकोले जेठ १५ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने व्यवस्था थियो।
