सिटी होटेल लिमिटेडले आधारभूत शेयरधनीलाई हकप्रद वापतको रकम भदौ ३ गतेभित्र जम्मा गर्न आग्रह गरेको छ । कम्पनीले कम्पनीमा एक प्रतिशत वा सो भन्दा बढी शेयर स्वामित्व हुने शेयरधनीलाई भदौ ३ गतेभित्र आफ्नो भागमा पर्ने हकप्रद वापतको रकम जम्मा गर्न आग्रह गरेको हो।
नेपाल धितोपत्र बोर्डले साउन ४ गते सिटी होटेल लिमिटेडलाई हकप्रद निष्काशनको अनुमति दिएको हो। सिटी होटेलले हाल कायम चुक्ता पुँजीको ८० प्रतिशत हकप्रद निष्काशनको अनुमति पाएको हो।
अब सिटी होटेलले १ अर्ब ३३ करोड ९२ लाख रुपैयाँ बराबरको १ करोड ३३ लाख ९२ हजार निष्काशन गर्ने छ। शेयर निष्काशनको लागि प्रभु क्यापिटल बिक्री प्रबन्धक रहेको छ।
