अपर हेवाखोला हाइड्रोपावर कम्पनीले हकप्रद निष्काशन गर्ने भएको छ । कम्पनीको फागुन ७ गते बसेको संचालक समितिको बैठकले हाल कायम चुक्ता पुँजी ५० करोडको १:१ को अनुपातमा शतप्रतिशत हकप्रद निष्काशन गर्ने प्रस्ताव गरेको हो ।
कम्पनीले मातृभूमि हाइड्रोपावरले विकास गरिरहेको १५ मेगावाट क्षमताको सिसुवा खोला जलविद्युत आयोजनामा लगानी गर्न र अपर हेवाखोला साना जलविद्युत आयोजना ( ८.५ मे.वा) को निर्माण गर्दा बैंक तथा वित्तीय संस्थाहरुबाट लिएको ऋण घटाउनको लागि हकप्रद निष्कासन गर्ने जनाएको छ ।
कम्पनीले हकप्रद निष्काशनको लागि विद्युत नियमन आयोग समक्ष पूर्व स्वीकृतिको लागि निवेदन गर्ने निर्णय पनि गरेको छ। कम्पनीको तेह्रौं वार्षिक साधारण सभाले सिसुवा खोला जलविद्युत आयोजनामा लगानी गर्ने प्रस्ताव पारित गरेको थियो ।
