नेपाल वेयरहाउजीङ कम्पनीले चालु आर्थिक वर्ष २०८१/८२ को पहिलो त्रैमासको अपरिस्कृति वित्तीय विवरण प्रकाशन गरेको छ। विवरण अनुसार यस अवधिमा कम्पनीको आम्दानी ९३१.६१ प्रतिशतले बढेको छ ।
पहिलो त्रैमासमा कम्पनीले ९३ लाख १६ हजार रुपैयाँ आम्दानी गरेको छ। अघिल्लो आर्थिक वर्षको यसै अवधिमा कम्पनीको कुल आम्दानी ९ लाख ८ हजार रुपैयाँ मात्रै थियो ।
आम्दानी बढे पनि कम्पनीको खर्च बढ्दा कम्पनी भने खुद घाटा मै रहेको छ। यस अवधिमा कम्पनीको खुद घाटा २ करोड २४ लाख रहेको छ। अघिल्लो आर्थिक वर्षको तुलनामा कम्पनीले घाटा कम गरेको देखिन्छ । अघिल्लो आर्थिक वर्षको यसै अवधिमा कम्पनीको खुद घाटा २ करोड ९९ लाख रहेको थियो । पहिलो त्रैमासको अवधिमा कम्पनीले १ करोड ५५ लाख ब्याज तिरेको छ।
पहिलो त्रैमासमा कम्पनीको प्रति शेयर आम्दानी ऋणात्मक ४.१२ रुपैयाँ, प्रति शेयर नेटवर्थ ऋणात्मक ८५.२५ रुपैयाँ रहेको छ । कम्पनीको चुक्ता पुंजी ६८ करोड ७५ लाख रहेको छ ।
