चालु आर्थिक वर्षको पहिलो त्रैमासमा सुपर मादी हाइड्रोपावर लिमिटेडको खुद नाफा ५०.८९ प्रतिशतले बढेको छ। यस अवधिमा कम्पनीले १६ करोड १३ लाख खुद नाफा कमाएको छ। अघिल्लो आर्थिक वर्षको यसै अवधिमा कम्पनीको खुद नाफा १० करोड ६९ लाख रहेको थियो ।
यस अवधिमा कम्पनीले विद्युत विक्रीबाट ४२ करोड १५ लाख आम्दानी गरेको छ। अघिल्लो आर्थिक वर्षको यसै अवधिमा कम्पनीको विद्युत बिक्रीको आम्दानी ४३ करोड २७ लाख थियो । विद्युत बिक्रीको आम्दानी घटे पनि कम्पनीको संचालन खर्च र ब्याज खर्च घटेकोले खुद नाफा बढेको हो ।
यस अवधिमा कम्पनीको प्रति शेयर आम्दानी ३०.७२ रुपैयाँ, र प्रति शेयर नेटवर्थ ११४.३१ रुपैयाँ रहेको छ। २ अर्ब १० करोड चुक्ता पुंजी रहेको कम्पनीको रिजर्भमा ३० करोड रुपैयाँ रहेको छ।
