सिइडिबि हाइड्रोपावर डेभलपमेन्ट कम्पनीले चालु आर्थिक २०८१/८२ को पहिलो त्रैमासको अपरिस्कृत वित्तीय विवरण सार्वजनिक गरेको छ। प्रकाशित वित्तीय विवरण अनुसार यस अवधिमा कम्पनीको खुद नाफा २०२.२८ प्रतिशतले बढेको छ।
यस अवधिमा कम्पनीले ९ करोड ७ लाख रुपैयाँ खुद नाफा कमाएको छ । अघिल्लो आर्थिक वर्षको यसै अवधिमा कम्पनीको खुद नाफा ३ करोड ३३ हजार मात्र थियो ।
कम्पनीको सेवा शुल्क, ब्याज र अन्य आम्दानी १४५.९२ प्रतिशत बढेर १० करोड ७ लाख पुगेको छ। आम्दानी बढ्दा कम्पनीको नाफा बढेको हो ।
यस अवधिमा कम्पनीको प्रति शेयर आम्दानी ३५ रुपैयाँ ११ पैसा रहेको भने प्रति शेयर नेटवर्थ १४७ रुपैयाँ रहेको छ । कम्पनीको चुक्ता पुंजी १ अर्ब ३ करोड रहेको छ भने जगेडा कोषमा ४८ करोड ६० लाख रुपैयाँ रहेको छ।
