हाथवे इन्भेष्टमेन्ट कम्पनीले चालु आर्थिक वर्ष २०८१/८२ को पहिलो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार पहिलो त्रैमासमा कम्पनीको खुद नाफा १२१.२ प्रतिशतले बढेको छ।
पहिलो त्रैमासमा कम्पनीले ३ करोड ४९ लाख ९६ हजार खुद नाफा कमाएको थियो । अघिल्लो आर्थिक वर्षको यसै अवधिमा कम्पनीको खुद नाफा १ करोड ५८ लाख २२ हजार मात्रै थियो । यस अवधिमा कम्पनीको मुख्य व्यवसायको संचालन आम्दानी २ करोड १९ लाखबाट बढेर ४ करोड ८८ लाख पुगेको छ। पहिलो त्रैमासमा कम्पनीले ८ करोड ५० लाखको थप दीर्घकालीन लगानी गरेको छ।
यस अवधिमा कम्पनीको प्रति शेयर आम्दानी ५ रुपैयाँ ४४ पैसा रहेको छ भने प्रति शेयर नेटवर्थ ८२ रुपैयाँ २ पैसा रहेको छ । कम्पनीओ पीई रेसियो २७२.६५ गुणा रहेको छ । १ अर्ब २८ करोड चुक्ता पुँजी रहेको कम्पनीको रिटेन अर्निंगमा ४१ करोड ७४ लाख रहेको छ ।
