चालु आर्थिक वर्षको पहिलो त्रैमासमा हिमालयन डिस्टिलरीको खुद नाफा ८९ प्रतिशत बढेको छ। कम्पनीले सार्वजनिक गरेको अपरिस्कृत वित्तीय विवरण अनुसार यस अवधिमा कम्पनीको खुद नाफा १९ करोड ८८ लाख रहेको छ। अघिल्लो आर्थिक वर्षको यसै अवधिमा कम्पनीको खुद नाफा १० करोड ५१ लाख मात्रै थियो ।
कम्पनीको बिक्री आम्दानी बढेसँगै खुद नाफा पनि बढेको हो । कम्पनीको बिक्री आम्दानी ९७ करोड १८ लाखबाट बढेर १ अर्ब ४८ करोड ६६ लाख पुगेको छ।
कम्पनीको प्रति शेयर आम्दानी पनि १५ रुपैयाँ ७५ पैसाबाट बढेर २९ रुपैयाँ ७७ पैसा पुगेको छ। २ अर्ब ६७ करोड चुक्ता पुँजी रहेको कम्पनीको रिजर्भमा ८८ करोड ९६ लाख रहेको छ।
कम्पनीले अब माल्ट उत्पादन गर्ने जनाएको छ। कम्पनीका अनुसार उद्योगको कारखाना परिसरमा Malt Distillation Unit को मेशिनरी जडान कार्य समाप्त भई उत्पादनको पूर्व परिक्षण गर्ने तयारी अवस्थामा रहेको छ । जडान गरिएको Malt Distillation Unit बाट Malt Spirit उत्पादनका लागि सम्बन्धित निकायबाट पूर्व स्विकृती लिई उत्पादन सुरु गर्ने प्रकृया अगाडी बढाएको कम्पनीले जनाएको छ । यस युनिट संचालनमा आए पश्चात् Malt Spirit आयात प्रतिस्थापन भई उद्योगबाट उत्पादन गरिने मदिराहरुको लागत कम हुने अपेक्षा कम्पनीको छ ।
