हिमालयन लघुवित्तले गत आर्थिक वर्ष २०८१/८२ को चौथो त्रैमासको वित्तीय विवरण प्रकाशन गरेको छ। प्रकाशित विवरण अनुसार आर्थिक वर्ष २०८१/८२ मा कम्पनीले ९ करोड १७ लाख ७३ हजार रुपैयाँ खुद नाफा कमाएको छ।
अघिल्लो आर्थिक वर्षको सोहि अवधिमा कम्पनी घाटामा रही खुद घाटा २० लाख ७ हजार रुपैयाँ थियो।
समीक्षा अवधिमा कम्पनीको खुद ब्याज आम्दानी ५८.५० प्रतिशतले बढेर ३५ करोड ३० लाख पुगेको छ। कम्पनीको कुल संचालन आम्दानी पनि ५२.७७ प्रतिशतले बढेर ४० करोड ६६ लाख पुगेको छ। कम्पनीको संचालन नाफा १३ करोड ११ लाख रहेको छ ।
कम्पनीको वितरणयोय मुनाफा ६ करोड ३१ लाख रहेको छ । कम्पनीको वितरणयोग्य प्रति शेयर रकम १९.७६ रुपैयाँ रहेको छ, यसले कम्पनीको लाभांश क्षमाता १९.७६ प्रतिशत रहेको देखाउछ ।
३१ करोड ९८ लाख चुक्ता पुंजी रहेको कम्पनीको रिजर्भमा ११ करोड ९२ लाख रहेको छ।
समीक्षा अवधिमा कम्पनीको प्रति शेयर आम्दानी २८.७० रुपैयाँ पुगेको छ। कम्पनीको प्रति शेयर नेटवर्थ १४८.१६ रुपैयाँ रहेको छ। कम्पनीको खराब कर्जा ५.३३ प्रतिशत रहेको छ।
