हालै मात्र नेप्सेमा सूचीकृत भएको ओम मेगाश्री फर्मासुटिकल्स लिमिटेडले चालु आर्थिक वर्ष २०८१/८२ को तेस्रो त्रैमासको अपरिस्कृत वित्तीय विवरण प्रकाशन गरेको छ। विवरण अनुसार यस अवधिमा कम्पनीको खुद नाफा ८३.०८ प्रतिशतले बढेको छ।
तेस्रो त्रैमासको अवधिमा कम्पनीले ७५ लाख ६० हजार रुपैयाँ खुद नाफा कमाएको छ। अघिल्लो आर्थिक वर्षको यसै अवधिमा कम्पनीको खुद नाफा ४१ लाख २९ हजार रुपैयाँ मात्रै थियो।
यस अवधिमा कम्पनीले व्यवसाय संचालनबाट २१ करोड ४८ लाख आम्दानी गरेको छ । अघिल्लो आर्थिक वर्षको यसै अवधिमा कम्पनीको व्यवसाय संचालनको आम्दानी १३ करोड ६० लाख रुपैयाँ थियो ।
कम्पनीको चुक्ता पुँजी ६० करोड रहेको छ भने रिजर्भमा ६ करोड २४ लाख रुपैयाँ रहेको छ । यस अवधिमा कम्पनीको प्रति शेयर आम्दानी १.६८ रुपैयाँ रहेको छ भने प्रति शेयर नेटवर्थ १०३.५४ रुपैयाँ रहेको छ।
कम्पनीले WHO – GMP प्रमाणीकरण, आइ एण्ड इयर ड्रप, भेट उत्पादन विस्तारका साथै कम्पनीको वृद्धि एवम् विकासका निम्ति आवश्यक योजना र सोको उचित कार्यान्वय प्रक्रिया अगाडि बढाइएको जनाएको छ । यस कम्पनीले विभिन्न औषधि उत्पादन गरिरहेको । ओम मेगाश्री हाल नेप्सेमा सूचीकृत एक मात्र औसधि उत्पादक कम्पनी हो ।
good news