हिमालयन लघुवित्तले चालु आर्थिक वर्ष २०८१/८२ को दोस्रो त्रैमासको अपरिस्कृत वित्तीय विवरण प्रकाशन गरेको छ। प्रकशित वित्तीय विवरण अनुसार यस अवधिमा कम्पनीको खुद नाफा ३९५.६ प्रतिशतले बढेको छ।
यस अवधिमा कम्पनीले २ करोड ६० लाख ६३ हजार रुपैयाँ खुद नाफा गरेको छ। अघिल्लो आर्थिक वर्षको यसै अवधिमा कम्पनीको खुद नाफा ५२ लाख ५८ हजार रुपैयाँ मात्रै थियो ।
यस अवधिमा कम्पनीको खुद ब्याज आम्दानी ११ करोड ७२ लाखबाट बढेर १५ करोड ३३ लाख पुगेको छ। त्यस्तै कम्पनीको नेट फि एण्ड कमिशन आम्दानी २ करोड ३८ लाखबाट बढेर २ करोड ९६ लाख पुगेको छ। कम्पनीको संचालन आम्दानी १४ करोड ८० लाखबाट बढेर १८ करोड ५७ लाख पुगेको छ। यस अवधिमा कम्पनीले सम्भावित जोखिमको लागि छुट्याएको इम्पेयरमेन्ट चार्ज अन्तर्गतको रकम ७८ लकः ३१ हजारबाट बढेर १ करोड १७ लाख पुगेको छ। यस हुँदा पनि कम्पनीको खुद संचालन आम्दानी १४ करोड २ लाख बाट बढेर १७ करोड ४० लाख पुगेको छ। कम्पनीको वितरणयोग्य मुनाफा भने २९ लाख ६० हजार रुपैयाँ ऋणात्मक रहेको छ ।
यस अवधिमा कम्पनीको प्रति शेयर आम्दानी १६ रुपैयाँ ३० पैसा रहेको छ भने प्रति शेयर नेटवर्थ १२३ रुपैयाँ ३७ पैसा पुगेको छ। ३१ करोड ९८ लाख चुक्ता पुंजी रहेको कम्पनीको रिजर्भमा १२ करोड रुपैयाँ रहेको छ।
