आज सोमबार शेयर बजार परिसूचक नेप्से दोहोरो अंकले बढेको छ। आज नेप्से सूचक ४०.७६ अंकले बढेर २७९६.३८ को बिन्दुमा पुगेर रोकिएको छ।
आज कारोबारमा आएका ३२६ कम्पनीका ४ करोड ९७ लाख ७३ हजार ७ सय ३० कित्ता शेयर खरिद बिक्रीबाट २१ अर्ब ८६ करोड ४९ लाख ९२ हजार २ सय ७७ रुपैयाँ ६४ पैसाको कारोबार भएको छ। जस मध्ये हिमालयन रिइन्स्योरेन्सको सर्वाधिक १ अर्ब २६ करोडको कारोबार भएको छ। त्यस्तै एनआरएन इन्फ्रास्ट्रकचरको ४९ करोड ३८ लाख, सानिमा माई हाइड्रोको ४४ करोड ५१ लाख तथा शिवम सिमेन्टको ४२ करोड ७ लाखको कारोबार भएको छ।
आज कारोबारमा आएका मध्ये रुरु हाइड्रो , सीईडिबी हाइड्रो, भगवती हाइड्रो, लगायत ८ कम्पनीको शेयर मूल्य १० प्रतिशतले बढेको छ। आज नेपाल फाइनान्सको शेयर मूल्य सर्वाधिक १० प्रतिशत घटेको छ भने हिमालयन लघुवित्तको शेयर मूल्य ७.६२ प्रतिशत घटेको छ। त्यस्तै गुहेश्वरी फाइनान्स र श्री इन्भेष्टमेन्ट फाइनान्सको शेयर मूल्य क्रमश ६.२६ प्रतिशत तथा ६.२५ प्रतिशत घटेको छ ।
आज कारोबारमा आएका मध्ये होटेल समूह सर्वाधिक ६.६९ प्रतिशत बढेको छ। आज फाइनान्स समूह सर्वाधिक ४.६१ प्रतिशत घटेको छ।
