अब डिम्याट खाता खोल्दा र नवीकरण गर्दा राष्ट्रिय परिचयपत्र अनिवार्य चाहिने भएको छ । सिडिएससीले सबै निक्षेप सदस्य (डीपी) हरुलाई पत्राचार गर्दै २०८३ असार १ गतेदेखि डिम्याट खाता खोल्दा र नवीकरण गर्दा राष्ट्रिय परिचयपत्र अनिवार्य गरिएको उल्लेख गरेको छ ।
सिडिएससीले गत फागुन मै Backoffice प्रणाली प्रयोग गर्ने निक्षेप सदस्यहरुलाई हिताग्राहीको विवरणमा राष्ट्रिय परिचय नम्बर समाबेश हुनेगरी प्रणाली विकास गर्न पत्राचार गरेको थियो । अब भने राष्ट्रिय परिचयपत्र अनिवार्य गर्न लागिएको हो।
सिडिएससीका अनुसार २०८३ असार १ गतेदेखि लागु हुनेगरी नयाँ हितग्राही खाता खोल्दा र हाल कायम रहेका हितग्राही खाताको विवरण अद्यावधिक गर्दा राष्ट्रिय परिचय नम्बर लाई हितग्राहीको विवरणमा समावेश गर्न अनिवार्य गरिएको हो।
२०७७ साल माघ महिनामा वडा कार्यालयमा आएको टोलि मार्फत राष्ट्रिय परिचय पत्रको लागि आबेदन भरी पठाएकोमा आजको दिन सम्मपनी राष्ट्रिय परिचयपत्र पाएको छैन । सिडिओ कार्यालयमा गएर बुझ्न जाँदा जुन वडाबाट आबेदन भरेको त्यही वडाबाट दिन्छ भनेर फर्काउँछ भने वडा कार्यालयमा गएर बुझ्दा यो त सिडियो कार्यालयबाटै दिने हो वडामा आउँदैन भन्छ यस्तो अबस्थामा राष्ट्रिय परिचय पत्र अनिबार्य गर्नु के बान्छनिय कुरो हो । २०७७ सालमा राष्ट्रिय परिचयपत्रकोलागि आबेदन दिएकाहरुले कुन निकाय मार्फत रा.प.प. पाउने हो खुलाई दिनु पर्यो ।