आईसीएफसी फाइनान्सको लाभांश सुरक्षित गर्ने आज मङ्सिर १७ गते अन्तिम दिन रहेको छ। कम्पनीले साधारणसभा प्रयोजनको लागि मङ्सिर १९ गते बुक क्लोज गर्ने निर्णय गरेको र मङ्सिर १८ गते सार्वजनिक विदा परेकोले आज मङ्सिर १७ गतेसम्म कायम शेयरधनीले मात्र कम्पनीको सभामा भाग लिन प्रस्तावित लाभांश पाउन सक्ने छन् ।
कम्पनीले मङ्सिर १९ गते साधारणसभा बोलाएको छ । कम्पनीको सभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष २०८१/८२ को मुनाफाबाट हाल कायम चुक्ता पुँजीको १५.७८९५ प्रतिशत नगद लाभांश (कर सहित) वितरण गर्ने प्रस्ताव गरेको हो । कम्पनीले प्रस्ताव गरेको लाभांश ८ वर्ष यता कै उच्च हो। हाल कम्पनीको चुक्ता पुँजी १ अर्ब १८ करोड ३४ लाख रहेको छ ।
कम्पनीको साधारणसभाले पारित गरेपछि उक्त लाभांश लगानीकर्तामा वितरण हुने छ।
