नेपाल धितोपत्र बोर्डले गार्डियन माइक्रो लाइफ इन्स्योरेन्स लिमिटेडलाई आईपीओ निष्काशनको अनुमति दिएको छ। बोर्डले कम्पनीलाई मङ्सिर ७ गते शेयर निष्काशनको अनुमति प्रदान गरेको हो ।
बोर्डले कम्पनीलाई २२ करोड ५० लाख रुपैयाँ बराबरको २२ लाख ५० हजार कित्ता शेयर निष्काशनको अनुमति प्रदान गरेको हो । कम्पनीले प्रति कित्ता १०० रुपैयाँ मै शेयर निष्काशन गर्ने छ।
कम्पनीले २०८१ साउन २४ मा आईपीओ निष्काशनको अनुमति माग गर्दै धितोपत्र बोर्डमा आवेदन दिएको थियो । आवेदन दिएको साढे ३ महिना मै बोर्डले कम्पनीको आईपीओ स्वीकृत गरिदिएको छ।
अन्य कम्पनीले वर्षौसम्म कुर्दा पनि आईपीओ निष्काशनको अनुमति नपाईरहेको अवस्थामा गार्डियनले साढे ३ महिना मै आईपीओको अनुमति पाउँदा अन्य कम्पनीले अनुमति दिने प्रक्रिया मै प्रश्न उठाएका छन् ।
