श्री स्टिलले सर्वसाधारण लगानीकर्तामा प्राथमिक सार्वजनिक निष्काशन (आईपिओ) जारी गर्ने भएको छ । कम्पनीले सर्वसाधारण लगानीकर्ताका लागि ३३ लाख कित्ता सेयर जारी गर्न लागेको हो ।
कम्पनीको जारी पुँजीको २० प्रतिशत सेयर अंकित मूल्यमै जारी गर्न लागेको हो । यसका लागि कम्पनीले बिक्री प्रबन्धकमा नबिल इन्भेष्टमेन्ट बैंकिङ लिमिटेडलाई नियुक्त गरेको छ ।
नबिल इन्भेष्टमेन्ट बैंकिङले कम्पनीको तर्फबाट प्रक्रिया पूरा गरेर आईपीओ निष्काशनका लागि नेपाल धितोपत्र बोर्ड (सेबोन)मा आवेदन दिनेछ । सेबोनले स्वीकृति दिएपछि कम्पनीले आईपीओ निष्काशन गर्नेछ ।
टीएमटी बार लगायतका फलामे डण्डी उत्पादन गर्दै आएको श्री स्टिलले सन् २०२५ मा ५ अर्ब ३२ करोड ६० लाख रुपैयाँ बराबरको ब्यापार गरेको छ । उक्त वर्ष कम्पनीले १२.९ प्रतिशत नाफा कमाएको छ । यसको फ्याक्ट्री रुपन्देहीको रोहीनीमा छ ।
