स्वस्तिक लघुवित्तले निष्काशन गरेको आईपीओ बाँडफाँड मिति भएको छ। कम्पनीका अनुसार भदौ १२ गते बिहीबार बिहान १० बजे आईपीओ बाँडफाँड हुने भएको हो ।
कम्पनीले साउन ३० गतेदेखि भदौ ३ गते सम्म आम सर्वसाधारणको लागि आईपीओ बिक्री खुला गरेको थियो । कम्पनीले सर्वसाधारणलाई १ लाख ९५ हजार १ सय ९५ कित्ता शेयर निष्काशन गरेको थियो। यो आईपीओ १९ हजार ५ सय १९ जनालाई मात्र पर्ने छ ।
कम्पनीले यस अघि नै श्रम स्वीकृति लिइ वैदेशिक रोजगारीमा रहेका नेपाली नागरिकलाई शेयर निष्काशन गरि बाँडफाँड गरिसकेको छ।
नेपाल धितोपत्र बोर्डले असार ५ गते कम्पनीलाई आईपीओ निष्काशनको अनुमति दिएको थियो । मधेश प्रदेश कार्य क्षेत्र रहेको यस् लघुवित्तको केन्द्रीय कार्यालय सिराहामा रहेको छ।
