शाइन रेसुङ्गा डेभलपमेन्ट बैंकले निष्काशन गरेको ऋणपत्रमा आवेदन दिने आज साउन ४ गते अन्तिम दिन रहेको छ । बैंकले असार ३२ गतेदेखि ऋणपत्र बिक्री खुला गरेको हो ।
बैंकले प्रति ऋणपत्र १००० रुपैयाँ अंकित मूल्य कायम भएका १ अर्ब रुपैयाँ बराबरको १० लाख कित्ता ऋणपत्र निष्काशन गरेको हो। जस मध्ये ६ लाख कित्ता ऋणपत्र निजि तबरबाट बिक्री गरिने छ भने ४ लाख कित्ता सर्वसाधारणको लागि बिक्री गरिने छ । सर्वसाधारणलिई छुट्याईएको मध्येबाट २० हजार कित्ता म्युचुअल फण्डलाई बिक्री गरिने छ । आवेदन दिंदा न्युनतम २५ कित्ता र अधिकतम ५ लाख कित्ताको लागि आवेदन दिन सकिने छ ।
१० वर्ष अवधिको यस ऋणपत्रमा कम्पनीले वार्षिक ८ प्रतिशत ब्याज प्रदान गर्ने छ। ऋणपत्र निष्काशनको लागि एनआईएमबि एस क्यापिटल बिक्री प्रबन्धक रहेको छ ।
