विशाल ग्रुप लिमिटेडले आफ्नो स्वामित्वमा रहेको नेपाल पुनर्बीमा कम्पनीको ७ लाख कित्ता संस्थापक शेयर लिलाम गर्ने भएको छ । विशाल ग्रुपले हाल कायम रहेका नेपाल पुनर्बीमा कम्पनीका संस्थापक शेयरधनीलाई आज भदौ ५ देखि भदौ ८ गतेसम्म लिलाम गर्ने भएको हो ।
विशाल ग्रुपले यी शेयरको न्युनतम मूल्य प्रति कित्ता ४५० रुपैयाँ कायम गरेको छ । सो वा सो भन्दा बढी मूल्य कबोल गरि हाल कायम रहेका इच्छुक संस्थापक शेयरधनीले आवेदन दिन सक्ने छन् । आवेदन दिंदा न्युनतम १ लाख कित्ताको लागि आवेदन दिनु पर्ने छ ।
शेयर लिलाम प्रक्रियाको लागि एनआईसी एशिया क्यापिटल बिक्री प्रबन्धक रहेको छ ।
