एशियन लाइफ इन्स्योरेन्सका विभिन्न संस्थापक शेयरधनीहरुले आफ्नो नाममा भएको संस्थापक शेयर बिक्री गर्ने भएका छन् । कम्पनीले आज साउन १४ गते सूचना प्रकाशित गर्दै विभिन्न शेयरधनीहरुले कम्पनीको २ लाख ७१ हजार ४६ कित्ता संस्थापक शेयर बिक्री गर्न लागेको जानकारी दिएको हो।
कम्पनीका अनुसार उक्त संस्थापक शेयर प्रति कित्ता न्यूनतम रु.३५०/- का दरमा विद्यमान संस्थापक शेयरधनीहरु र अन्यले खरिद गर्न पाउनेछन। शेयर खरिद गर्न योग्य इच्छुकले सूचना प्रकाशित भएको मितिले १५ दिन भित्र आवश्यक कागजात प्रमाण संलग्न गरी कम्पनीको केन्द्रिय कार्यालय मैतिदेवी, काठमाण्डौमा आइपुग्ने गरी निवेदन दिनु पर्ने छ ।
नेपाल बीमा प्राधिकरणबाट जारी बीमकको संस्थापक शेयर करोबार सम्बन्धि निर्देशिका २०७७’ बमोजिम (Fit & Proper Test) कागजातहरु पनि समावेश गर्नु पर्ने कम्पनीले जनाएको छ।
